Úrvalshópur kvenna 

Valið er í úrvalshóp í upphafi hvers árs. Til úrtöku er boðið þeim sem hafa náð bestum árangri í frjálsum æfingum árið á undan. Konur í úrvalshópi þurfa að vera 16 ára og eldri og íslenskir ríkisborgarar. Þær sem taka sæti í úrvalshópi skuldbinda sig til að fylgja reglum sambandsins. Fyrir hvert alþjóðlegt verkefni er valið í landslið. Eingöngu þær konur sem tilheyra úrvalshópi hafa möguleika á að komast í landsliðið. Fjöldi einstaklinga og kröfur eru breytilegar milli verkefna. Hægt er að kynna sér verkefni tímabilsins hér fyrir neðan.

Hildur Ketilsdóttir

Hefur lokið tveimur árum í Uppeldis og menntunarfræði HÍ. Hún hefur lokið öllum þjálfaranámskeiðum á vegum Fimleikasambands Íslands, Topp þjálfaranámskeiði í Danmörku og þjálfaranámskeiði á vegum Evrópska Fimleikasambandsins.

Hildur hefur sinnt þjálfun í rúm 20 ár hjá Fimleikafélaginu Björk á ýmsum getustigum, en lengst af sem þjálfari meistaraflokks Bjarkanna. Hún hefur setið í Tækninefnd áhaldafimleika kvenna í 6 ár, verið landsliðsþjálfari í tvö ár og landsdómari í 8 ár.

Hún hefur náð framúrskarandi árangri og hafa iðkendur hennar raðað sér í efstu sætin á sterkustu mótunum hérlendis og Bjarkirnar átt margar landsliðskonur undanfarin ár.